ՀՀ աշխատանքի և սոցիալական հարցերի փոխնախարար Ռուբեն Սարգսյանը ԱԺ-ում լրագրողների հետ զրույցում ասաց, որ վարժական հավաքի մասնակցողներին ՊՆ-ն կվճարի 100 հազար դրամ, իսկ աշխատավարձի մնացած մասը պետք է վճարի գործատուն:
Փոխնախարարը նշեց, որ նախկինում էլ կային գործատուներ, որ վճարում էին իրենց աշխատողներին, որոնք մասնակցում էին վարժական հավաքներին, բայց հիմա դա կանոնակարգվում է օրենքով: Սարգսյանը նաև տեղեկացրեց, որ օրենքը չունի հետադարձ ուժ:
Նրա խոսքով՝ օրենքը մշակվել է գործատուների, աշխատողների առաջարկների հիման վրա:
