ՀՀ առողջապահության նախարարի տեղակալ Արտակ Ջումայանը հայտարարել է, թե հանրապետութունում կսահմանվի որոշ դեղերի էլեկտրոնային տարբերակով դուրս գրման պարտադիր պահանջ։
Ըստ նրա, այս շարքում առաջինը լինելու են հակաբիոտիկները.
«Եթե էլեկտրոնային տարբերակով դեղատոմս չլինի, ապա դեղատունը իրավունք չի ունենալու վաճառել հակաբիոտիկներ:
Առանց դեղատոմսի հակաբիոտիկներ չվաճառելու պահանջն այսօր էլ կա՝ թղթային տարբերակով, սակայն գործնականում, տեսանք, որ գործընթացը բավարար վերահսկողություն չգտավ: Էլեկտրոնային տարբերակով ավելի հեշտ կլինի վերահսկողություն իրականացնելը:
Կարծում եմ, որ կունենանք վերահսկողության մակարդակի բարձրացում, օպերատիվ արձագանք՝ ցանկացած խախտուման ժամանակ»։
Նա նշել է, թե հակաբիոտիկների բաց շրջանառությունը վնասում է քաղաքացիների առողջությանը։
