Այսօր՝ Երևանի քաղաքապետարանի հերթական գործակարգավարական խորհրդակցության ժամանակ, քաղաքապետարանի «Զարգացման և ներդրումային ծրագրերի վարչության պետ Արմեն Հարությունյանն անդրադարձավ Երևանում տրանսպորտի նոր՝ խելացի կանգառասրահների հայեցակարգի մշակմանը:
Ըստ նրա՝ կանգառների մասով աշխատանքներն ընթացքի մեջ են, դիզայներները մշակում են էսքիզ նախագծեր:
«Այդ նախագծերում փոփոխություններ կարվեն, առաջիկա 2 շաբաթվա ընթացքում լրացուցիչ կզեկուցեմ ավարտի մասին»,- ասաց նա:
Ի պատասխան Հարությունյանի՝ փոխքաղաքապետ Տիգրան Ավինյանը նշեց. «Հուսով եմ՝ նախնական դիզայներական տարբերակից մի քիչ անցել ենք մոդեռն տարբերակների»:
Հարությունյանն էլ պարզաբանեց՝ լինելու է երկու տարբերակ. «Նախագծվելու է այն մոդեռն տարբերակը, որը լինելու է ավելի քիչ քանակությամբ մի քանի տեղերում, եւ երկրորդ տարբերակը լինելու է Երեւանի մնացած կետերում: Էսքիզը լրիվ փոխվելու է»:
