ՀՀ առողջապահության նախարար Անահիտ Ավանեսյանը տեղեկացրել է, որ Տեղ գյուղի մոտ ադրբեջանական վերջին սադրանքի հետևանքով վիրավորում ստացած զինծառայողների առողջական վիճակը բարելավվում է.
«Բարեբախտաբար, նրանց առողջական վիճակն ամեն օր ավելի է լավանում, ծայրահեղ ծանր վիճակում գտնվող մեր պացիենտի վիճակն օրեցօր կայունանում և դեպի ապաքինում է գնում»։
Ավանեսյանը շեշտել է, որ վիրավորում ստացած զինծառայողներից ոչ մեկի կյանքին վտանգ չի սպառնում.
«Ում վիճակը թեթև էր, դուրս է գրվել կամ վերականգնողական ընթացքի մեջ է։
Բայց ծանր և ծայրահեղ ծանր վիճակում գտնվող պացիենտները բուժման ընթացքի մեջ են»։
Ավանեսյանը հիշեցրել է, որ եղել է 6 վիրավոր, որոնցից 3-ը դեռ ստացիոնար բուժօգնություն են ստանում։
