«Իրազեկ քաղաքացիների միավորում» հասարակական կազմակերպության նախագահ Դանիել Իոնիսյանը գրում է.
ՆԳ նախարարը ԱԺ-ում սխալ տեղեկություններ է հայտնել «Պոլիգրաֆի» մասով։
ՆԳ նախարար Վահե Ղազարյանը, փորձելով խորհրդարանում խուսափել ընդունելուց, որ «Պոլիգրաֆ» ակումբի «մասկի-շոուի» ու 41 անձին մերկացնելով խուզարկելու արդյունքում ընդհամենը մի քանի գրամ «մարիխուաննա» են գտել, ասաց, որ հայտնաբերված նյութերից մի մասի փորձաքննության արդյունքները դեռ չկան։
Այնինչ, նախարար Ղազարյանի հայտարարությունից առնվազն 5 օր առաջ` ապրիլի 28-ին նախաքննական մարմինը արդեն իսկ ստացել էր փորձաքննությունների արդյունքները։Այդ ամբողջ օպերացիայի արդյունքում հայտնաբերել է մոտ 3,6 գրամ «մարիխուաննա»։
Որևէ գրամ կամ միլիգրամ ծանր, երիտասարդների կյանքեր խորտակող թմրանյութ (օրինակ` մեթամֆիտամին, նույն ինքը` «Կրիստալ») չի հայտնաբերվել։
Հիշեցնեմ, որ այդ օրը ակումբում ահաբեկված, ձերբակալված ու բաժնում մերկացվելով խուզարկված 41 անձանցից 90 տոկոսի մոտ ընդհանրապես որևէ ապօրինի բան չի հայտնաբերվել։
Ոստիկանությունը պետք է կարողանա գործել արդյունավետ` պայքարի ծանր թմրանյութերի ապօրինի շրջանառության դեմ` առանց օրենք չխախտող քաղաքացիներին ահաբեկելու ու ստորացնելու։
