ՀՀ արտաքին գործերի փոխնախարար Մնացական Սաֆարյանը այսօր լրագրողների հետ զրույցում նշել է, որ չի կարող կոնկրետ ասել, թե երբ է Հայաստանը քննարկել ՀԱՊԿ-ից դուրս գալու տարբերակը․ «Կոնկրետ ժամկետ չեմ կարող ասել, որովհետև դա, ըստ երևույթին, քննարկվել է անվտանգության խորհրդում։ Կարծում եմ՝ այդ շրջանում է մոտավորպես եղել»,- ասել է Սաֆարյանը։
Փոխնախարարի տեղեկացմամբ՝ որոշում է ընդունվել չանել այդ քայլը, շարունակել աշխատանքները, «որովհետև կան հարցեր, որոնք հետագայում քննարվեցին ՀԱՊԿ գագաթնաժողովի ընթացքում»․ «Այդ աշխատանքները շարունակվում են։ Մենք դրա մասին արդեն հայտարարել ենք»,- ավելացրել է փոխարտգործնախարարը։
Ըստ Սաֆարյանի՝ շուտով կլինեն քննարկումներ Հարավային Կովկասում ստեղծված իրավիճակի վերաբերյալ հայտարարության հետ կապված։ Նրա խոսքով՝ այս պահին չկա ՀԱՊԿ-ից դուրս գալու օրակարգ։
