Վարչապետ Նիկոլ Փաշինյանը զենքի մատակարարման հետ կապված խնդիրների մասին հարցին ի պատասխան հայտարարել է, թե պատեհ չէ աշխատանքային պրոցեսներ քննարկելը. «Չեմ կարող աշխատանքային հարցերի շուրջ բովանդակային բացահայտումներ անել: Ոչ թե չեմ ուզում, այլ պարզապես կոռեկտ չի լինի»:
Օրերս ԱԽ քարտուղար Արմեն Գրիգորյանը հայտարարել էր, որ Հայաստանը ռուսական կողմին վճարել է սպառազինության համար, սակայն մատակարարում չի արվել: Հարցին՝ Արմեն Գրիգորյանի այդ հայտարարությունը վերաբերու՞մ էր իր այն հայտարարությանը, թե Հայաստանը միլիոնավոր դոլարների զենքի պատվեր է տվել, սակայն այդ զենքը չի ստացվել, վարչապետն արձագանքել է կարճ՝ այո։
