Ռուսաստանի նախագահի մամուլի քարտուղար Դմիտրի Պեսկովը մեկնաբանել է Հայաստանի վարչապետ Նիկոլ Փաշինյանի այն խոսքերը, թե որ դեպքում Երևանը կարող է դուրս գալ Հավաքական անվտանգության պայմանագրի կազմակերպությունից (ՀԱՊԿ)։
«Ընդհանուր առմամբ, ՀԱՊԿ-ն հեղինակություն ունի անդամ երկրների մեջ, ինչը ցույց է տալիս դրա արդյունավետությունը: Ինչ վերաբերում է Հայաստանի վարչապետի հայտարարությանը, մենք կշարունակենք երկխոսությունը մեր հայ ընկերների հետ»,- ասել է Կրեմլի խոսնակը։
Ավելի վաղ Հայաստանի վարչապետ Նիկոլ Փաշինյանը հայտարարել էր, որ իր երկիրը կորոշի դուրս գալ Հավաքական անվտանգության պայմանագրի կազմակերպությունից (ՀԱՊԿ), եթե այն համարի «անկարող» կառույց։
