Թուրքիայի արտաքին գործերի նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, որի ընթացքում քննարկել են երկկողմ հետաքրքրություն ներկայացնող հարցեր, այդ թվում՝ հացահատիկի գործարքի իրականացումը։ Այս մասին հինգշաբթի օրը հայտարարել է Թուրքիայի արտգործնախարարությունը։
«Քննարկվել են ՆԱՏՕ-ին Շվեդիայի անդամակցության հարցերը, Թուրքիայի և Հայաստանի, Ադրբեջանի և Հայաստանի հարաբերությունների կարգավորումը, Թուրքիայի կողմից ԱՄՆ-ից F-16 կործանիչների ձեռքբերումը և դրանց արդիականացումը, ինչպես նաև հացահատիկի համաձայնագիրը, նաև՝ Ուկրաինայի հարցը»,- ասվում է հաղորդագրությունում։
Ֆիդանը Թուրքիայի արտաքին գործերի նախարար է նշանակվել կառավարության նոր կաբինետում, որը ձևավորվել է մայիսի 28-ին՝ Ռեջեփ Թայիփ Էրդողանի տարած հաղթանակից հետո։
