Անահիտ Ավանեսյանի խոսքով՝ երկրի առաջին դեմքերը պետք է ունենան բուժօգնությունից անվճար օգտվելու նվազագույն հնարավորություն, ինչը, ըստ նրա, սահմանված է նաև օրենքով։
Այս մասին վերջինս ասաց այսօր Կառավարության նիստից հետո լրագրողների հետ զրույցում՝ պատասխանելով այն հարցին, թե ինչո՞ւ պետք է բարձրաստիճան պաշտոնյանները օգտվեն անվճար բժշկական ծառայություններից։
Նրա խոսքով՝ այդ իրավունքն ունեն նաև ՀՀ ժամանած բարձրաստիճան պաշտոնյանները։ Դիտարկմանը, թե ինչո՞ւ պետք է բարձրաստիճան պաշտոնյանների դեպքում բուժօգնությունը լինի անվճար, բայց 44-օրյա պատերազմի մասնակիցների համար վճարովի, նախարարը պարզաբանեց․ «44-օրյա պատերազմի բոլոր մասնակիցներն ու մարտական գործողությունների ընթացքում վնասվածք ստացած քաղաքացիները ստացել են բուժօգնություն: Եթե կարիք է եղել արտասահմանում բուժվել, պետությունը այդ ծախսը նույնպես հոգացել է»։
