Երևանում մեկնարկել են հետխորհդային ժամանակաշրջանի ամենախոշոր թաղամասի կառուցման աշխատանքները

Երևանում մեկնարկել են հետխորհդային ժամանակաշրջանի ամենախոշոր թաղամասի կառուցման աշխատանքները։

Կառուցվող թաղամասը գտնվում է Աջափնյակ վարչական շրջանում՝ Հյուսիս-հարավ մայրուղու հարևանությամբ։ Այն բնակելի միկրոշրջան է, որ ապահովված կլինի ուսումնակրթական և մշակութային, առաջին անհրաժեշտության սպասարկման հաստատություններով՝ մանկապարտեզներ, դպրոցներ, մարզաառողջարանային համալիրներ, մշակութային, առևտրի, ժամանցի կենտրոններ, գերժամանակակից բազմապրոֆիլ հիվանդանոց, դեղատներ, կապի բաժանմունքներ, բանկեր և այլն։

Կառուցապատման առաջին փուլում արդեն մեկնարկել են 63 բազմաբնակարան շենքերի և 20 հա մակերեսով անտառ-պուրակի հիմնման աշխատանքները, որին ներգրավված են ավելի քան 2000 աշխատակիցներ։

Ըստ պլանավորման՝ բնակելի միկրոշրջանի 1-ին փուլի ամբողջական հանձնումը կկատարվի 2025թ.-ի վերջին։ Շինարարական աշխատանքները ընթանում են «ԴԵՖԱՆՍ ՀԱՈՒԶԻՆԳ ԻՆՎԵՍՏ» ՓԲ ընկերության կողմից։