Ռուսաստանից հում նավթի առաջին խմբաքանակը հասել է Պակիստան. հայտարարել է երկրի վարչապետ Շեհբազ Շարիֆը։ Ռուսաստանն առաջին անգամ նավթ է մատակարարել Պակիստանին։
Ինչպես մայիսին հայտնել է Պակիստանի էներգետիկայի նախարար Խուրրամ Դաստգիր Խանը, Պակիստանի իշխանությունները ապրանքի համար վճարել են դոլարով։ Ավելի վաղ Express News հեռուստաալիքը գրել էր, որ զեղչը կարող է կազմել մինչև 18 դոլար մեկ բարելի դիմաց։ 2022-ի վերջին պակիստանյան The News թերթը պնդում էր, որ Իսլամաբադը Մոսկվայից 30-40% զեղչ է խնդրել, բայց հետո բանակցություններն անհաջող են անցել։
