ՀՀ հատուկ հանձնարարություններով դեսպան Էդմոն Մարուքյանը «թվիթերի» իր միկրոբլոգում գրել է. «Ադրբեջանը կրակ է բացել հայ-ամերիկյան ներդրումների հաշվին Հայաստանի ինքնիշխան տարածքում կառուցվող գործարանի տրանսպորտային միջոցների և ենթակառուցվածքների ուղղությամբ:
Ինտենսիվ կրակը շարունակվել է երեք ժամ:
Սա աղաղակող պահվածք է, որը հակասում է խաղաղ գործընթացին ուղղված բոլոր ջանքերին և ուժի չկիրառման կամ նույնիսկ դրա սպառնալիքի բոլոր պարտավորությունների կոպիտ խախտում։
Մենք խստորեն դատապարտում ենք այս սադրիչ պահվածքը և կոչ ենք անում մեր միջազգային գործընկերներին միջոցներ ձեռնարկել Ադրբեջանի դեմ՝ ներառյալ պատժամիջոցներն ու նման ապակառուցողական մոտեցումից զերծ մնալու ուղղակի կոչերը:
Միջազգային հանրության լռությունը կամ Ադրբեջանի նկատմամբ միանշանակ հասցեական միջոցների բացակայությունը կարող է հանգեցնել ժողովրդավարական Հայաստանի դեմ նոր ագրեսիաների»:
