Ադրբեջանի նախագահ Իլհամ Ալիևը կրկին մեղադրել է Ֆրանսիային Արցախին աջակցելու համար։
«Ֆրանսիան, որն իրեն ներկայացնում է որպես մարդու իրավունքների և միջազգային իրավունքի կեղծ պաշտպան, նախկինի պես միջամտում է այլ երկրների ներքին գործերին»,- Բաքվում հայտարարել Է Ալիևը Չմիավորման շարժման համակարգող բյուրոյի նախարարական հանդիպման ժամանակ։
Նախագահն ընդգծել է, որ Մալիից և Բուրկինա Ֆասոյից ֆրանսիական զորքերի վերջին դուրսբերումը ևս մեկ անգամ ցույց տվեց, որ «Աֆրիկայում Ֆրանսիայի նեոգաղութատիրության քաղաքականությունը դատապարտված է ձախողման»:
«Ցավոք, Ֆրանսիան փորձում է նույն արատավոր պրակտիկան պարտադրել Հարավային Կովկասում՝ աջակցելով հայկական անջատողականությանը Ադրբեջանի Ղարաբաղյան տարածաշրջանում և օգտագործելով աշխարհաքաղաքական մրցակցությունը, օտարերկրյա ռազմական ներկայությունը և օրիենտալիզմի գաղութային քաղաքականությունը», – ասել է Ալիևը
