Տեղի է ունեցել Ադրբեջանի պետական սահմանը «խախտելու և ծանր հանցագործություններ կատարելու համար» մեղադրվող հայ զինծառայողներ Հարություն Հովագիմյանի և Կարեն Ղազարյանի գործով հերթական դատական նիստը։
Սումգայիթի ծանր հանցագործությունների դատարանում դատախազը նրանց համար 12 տարվա ազատազրկում է խնդրել։
Դատարանը գնացել է խորհրդակցական սենյակ, վճիռը վաղը կհրապարակվի։
Մայիսի 26–ին մարտական դիրքեր սնունդ մատակարարող ՀՀ ԶՈւ 2 զինծառայողի հետ կապն ընդհատվել էր։ Հաջորդ օրը ՀՀ պաշտպանության նախարարությունը հայտնել էր, որ միջդիրքային ճանապարհին հայտնաբերվել է թիկունքային մատակարարման ավտոմեքենան, որի մեջ եղել է նաև զինվորներից մեկին ամրակցված զենքը։
Նույն օրը հայտնի էր դարձել, որ նրանց առևանգել են ադրբեջանցիները։
