Էստոնիայի վարչապետ Կայա Կալլասը Վիլնյուսում ՆԱՏՕ-ի գագաթնաժողովի եզրափակիչ կոմյունիկեի ընդունումից հետո լրագրողներին ասել է, որ դաշինքի անդամ երկրները շատ լուրջ են վերաբերվում Ուկրաինայի անդամակցության հարցին, սակայն չեն կարող ճշգրիտ ժամկետներ նշել, քանի դեռ պատերազմը շարունակվում է։
Ուկրաինայի նախագահ Վլադիմիր Զելենսկին ավելի վաղ ՆԱՏՕ-ի դիրքորոշումն աննախադեպ և անհեթեթ էր անվանել։ «Իհարկե, ես հասկանում եմ նախագահ Զելենսկու հիասթափությունը, քանի որ նա ցանկանում է ապրել խաղաղության մեջ, ինչպես մենք ապրում ենք աշխարհում՝ ՆԱՏՕ-ում։ Բայց սա այն է, ինչ մենք կարող ենք առաջարկել այս պահին»,- ասել է Կալլասը:
