Ազգային ավիափոխադրող FlyOne Armenia-ն առաջատարն է ՀՀ հարկատուների ցանկում ներառված ավիաընկերությունների շարքում։ 2023 թվականի առաջին 6-ամսյակի տվյալների համաձայն՝ FlyOne Armenia-ն ՀՀ պետբյուջեին վճարել է մոտ 2,2 մլրդ դրամ։
Սա ամենամեծ ցուցանիշն է ավիացիոն ոլորտում գործունեություն ծավալող ընկերությունների շարքում․պետությանը վճարած հարկերի այս ցուցանիշով FlyOne Armenia-ն զբաղեցնում է ՀՀ խոշոր հարկատուների աղուսյակի 74-րդ հորիզոնականը։
Ընդ որում՝ հաջորդ ավիաընկերությունը՝ «Air Dilijans»-ը, որն զբաղեցնում է նույն ցանկի 156-րդ հորիզոնականը, զիջում է առաջատար FlyOne Armenia-ին կրկնակի՝ վճարելով 1 միլիարդ դրամի չափով հարկ։
Flya Arna-ն զբաղեցնում է 201-րդ հորիզոնականը (795 միլիոն դրամ), 384-րդը՝ «Armenian Airlines»-ը (427 միլիոն դրամ), 420-րդը՝ «Shirak Avia»-ն (396 միլիոն դրամ), 745-րդը՝ Armenian Airlines-ը (234 միլիոն դրամ):
