ՀՀ վարչապետ Նիկոլ Փաշինյանը հայտարարել է, թե Ադրբեջանը մտադիր է ԼՂ-ի և ՀՀ-ի դեմ ռազմական սադրանք ձեռնարկել։
«Իրավիճակն այնպիսին է, որ միջազգային հանրությունը, ՄԱԿ ԱԽ երկրները պետք է լրջագույն միջոցներ ձեռնարկեն մեր տարածաշրջանում նոր պայթյունը կանխելու համար»,- ասել է նա։
Վարչապետը նաև ընդգծել է ՀՀ հավատարմությունը 2021թ. դեկտեմբերի 14-ին Բրյուսելում, 2022թ. հոկտեմբերի 6-ին պրահայում և 2023թ. մայիսին Բրյուսելում ձեռք բերված պայմանավորվածություններին, ինչպես նաև՝ 2020թ. նոյեմբերի 9-ի եռակողմ հայտարարարությանը։
Ըստ վարչապետի, ԼՂ հայության իրավունքների և անվտանգության հասցեագրման համար Բաքու-Ստեփանակերտ երկխոսությունը միջազգային մեխանիզմի շրջանակներում և Լաչինի միջանցքի ապաարգելափակումն էական է։
«ՀՀ-ն պատրաստ է և ցանկանում է խաղաղության և հարաբերությունների կարգավորման պայմանագիր կնքել Ադրբեջանի հետ և մենք մեր հավատարմությունն ենք արտահայտում խաղաղության օրակարգին»,- ասել է նա։
