Անշարժ գույքի նվիրատվության գործարքների թիվն աճել է. ԱԺ փոխնախագահ
Արդարադատության փոխնախարար Արա Մկրտչյանը հայտարարել է, թե Հայաստանում 2020-2022թթ․ նվիրատվությունների եղանակով անշարժ գույքի նկատմամբ սեփականության իրավունք ձեռք բերելու գործարքները կտրուկ աճել են։
Ըստ նրա՝ դա հիմնավոր ռիսկեր է պարունակում․
«Նվիրատվության գործարքների անընդհատ աճը պարունակում է հիմնավոր ռիսկեր առ այն, որ դրանց թվում կարող են լինել այնպիսիք, որոնք նպատակ ունեն թաքցնել ապօրինի ճանապարհով ձեռք բերված գույքն ու, այսպես ասած, այն օրինականացնել»,- ասել է փոխնախարարը:
Մկրտչյանի խոսքով՝ «Փողերի լվացման և ահաբեկչության ֆինանսավորման դեմ պայքարի մասին» օրենքում փոփոխություն և լրացում կատարելու օրինագիծը նպատակ ունի նվիրատվությունների մասով ԿԲ-ին հաշվետվություններ ներկայացնելու վերաբերյալ Հայաստանում նոտարների և կադաստրի կոմիտեի համար պարտականություն սահմանել:
ԱԺ նախագահի տեղակալ Հակոբ Արշակյանը զեկուցողից հետաքրքրվել է, թե ներկայացված նախագիծն ինչպես է կանխելու ապօրինի գույքի նվիրատվության դեպքերը:
«Ներկայացված նախագիծը պայքարի միջոցներից միայն մեկն է, սակայն ոչ միակը: Ի՞նչ խնդիր է այն լուծելու: Մենք ունենալու ենք ամբողջական հաշվետվություն՝ կենտրոնացված մեկ վայրում, և գործարքների վերաբերյալ բավարար տվյալներ, որպեսզի դրանք անհրաժեշտության դեպքում նույնականացնենք, իրենց ամբողջության մեջ համապատասխան վերլուծության ենթարկենք, բացահայտնենք հնարավոր ռիսկերը և միջոցառումներ ձեռնարկենք այդ ռիսկերը կառավարելու համար:
Առանձին դեպքերում, երբ կունենանք ահազանգեր կոնկրետ գործարքների վերաբերյալ՝ որևէ ապօրինության հետ կապված, ապա արդեն, հաշվետվություններում ունենալով գործարքի վերաբերյալ անհատական տվյալներ, կարող ենք այն վերլուծության ենթարկել և ներկայացնել իրավապահ մարմիններին:
Նրանք իրենց գործիքակազմով, օպերատիվ հետախուզական գործունեությամբ և նախաքննության եղանակով արդեն կիրականացնեն իրենց պարտականությունները և կբացահայտնեն ապօրինության ցանկացած դեպք»,- ասել է փոխնախարարը՝ հավելելով,- «Այսինքն՝ ստեղծվում է բազա, որտեղ պահպանվելու են նվիրատվության բոլոր տվյալները»:
Հակոբ Արշակյանն էլ արձագանքել է. «Այնպես չէ, որ եթե որևէ մեկն ապօրինի գույք ունի, նվիրատվությամբ մաքրվելու է»։
Recent Posts
Երևանը մնում է ՀԱՊԿ-ի լիիրավ անդամ․ Գալուզին
ՌԴ ԱԳ նախարարի տեղակալ Միխայիլ Գալուզինը խոսել է հայ-ռուսական հարաբերությունների մասին՝ նշելով, որ Երևանը Մոսկվայի…
Կրակոցներ չկան, ոչ ոք չի վիրավորվում, ոչ ոք չի մահանում․ Ալիև
Մյունխենում «Բաց միջանցքների քաղաքականություն․ տրանսկասպյան համագործակցության խորացում» թեմայով վահանակային քննարկման ժամանակ Ադրբեջանի նախագահ Իլհամ Ալիևը…
դատախազությունը քրեական հետապնդում է հարուցել Գարեգին Բ-ի նկատմամբ․ փաստաբան
ՀՀ դատախազությունը քրեական հետապնդում է հարուցել Ամենայն Հայոց կաթողիկոս Գարեգին Բ-ի նկատմամբ՝ Արման Սարոյանի հետ…
Չի կարող լինել վարչապետի թեկնածու. ջախջախիչ պարտություն են տանելու. Սիմոնյանը՝ Կարապետյանին
ԱԺ նախագահ Ալեն Սիմոնյանը պնդում է՝ Սամվել Կարապետյանը չի կարող լինել վարչապետի թեկնածու։ «Ինքը չի…
Ցանկացած պարագայում ՀՀ-ի շահն ենք պաշտպանելու. Գևորգ Պապոյան
Եթե Ռուսաստանը կարողանա ներդրումներ անել և սպասարկել համակարգը, որ բեռները ՀՀ-ով անցնեն և մենք դրանից…
Փաշինյանի և Ալիևի «մարդկային եղբայրության» շնորհիվ 120,000 ղարաբաղցիներ փախստական են դարձել. Զատուլին
Պետդումայի հանձնաժողովի նախագահի առաջին տեղակալ Կոնստանտին Զատուլինը պատասխանել է Հայաստանի վարչապետ Նիկոլ Փաշինյանի քննադատությանը, որը…