ՀՀ վարչապետ Նիկոլ Փաշինյանը և Աննա Հակոբյանը կատարեցին իրենց քաղաքացիական պարտքը՝ մասնակցելով Երևանի ավագանու ընտրությունների քվեարկությանը:
Լրագրողների հետ զրույցում Նիկոլ Փաշինյանը պատասխանեց այն հարցին, թե արդյոք Հայաստանը փոխում է արտաքին քաղաքականության վեկտորը. «ՀՀ-ն չի կարող արտաքին քաղաքականության վեկտորը փոխել այն իմաստով, որ ՀՀ արտաքին քաղաքականությունը միշտ կողմնորոշված է ըստ Հայաստանի պետական շահերի»,- ասաց վարչապետը:
Հարցին, թե ինչ է գրել ՌԴ նախագահին ուղղված իր նամակում Նիկոլ Փաշինյանը պատասխանեց. «ՌԴ նախագահ Վլադիմիր Պուտինին ուղղված իմ նամակում ես իրադրության մեր գնահատականն եմ ներկայացրել. այն, ինչ ներկայացրել եմ այս տարվա մեր 7-8 խոսակցությունների ժամանակ»