«Վաշինգտոնը հրեական պետության ներկայացուցիչների հետ քննարկում է Գազայի հատվածում Իսրայելի ցամաքային ռազմական գործողության հնարավոր այլընտրանքները»․ այս մասին չորեքշաբթի օրը հայտարարել է ԱՄՆ նախագահ Ջո Բայդենը։
«Մենք երկար խոսեցինք, թե ինչ այլընտրանքներ կան»,- նշել է նա՝ պատասխանելով Իսրայելի կողմից այդ գործողության իրականացման հավանականության նվազման մասին հարցին․ «Մեր զինվորականները խոսում են իրենց զինվորականների հետ այն մասին, թե ինչ այլընտրանքներ կան, բայց ես դրանում չեմ խորանա»,- հավելել է ամերիկացի առաջնորդը։
Իսրայելից վերադառնալիս նա իր ինքնաթիռում զրուցել է լրագրողների հետ։ Բայդենի ելույթի սղագրությունը հրապարակել է Սպիտակ տան մամուլի ծառայությունը։
