Հայաստանի քննչական կոմիտեն և Ազգային անվտանգության ծառայությունը համատեղ խուզարկություններ և այլ լայնածավալ քննչական գործողություններ են իրականացնում շուրջ 15 վայրերում, այդ թվում՝ Էկոնոմիկայի նախարարությունում և մի խումբ անձանց բնակավայրերում, «Արմենպրես»-ի թղթակցի հետ զրույցում տեղեկացրել է Հայաստանի քննչական կոմիտեի մամուլի խոսնակ Գոռ Աբրահամյանը՝ հավելելով, որ խուզարկություններն ու քննչական գործողություններն իրականացվում են երկու քրեական վարույթի շրջանակներում։
Քննչական կոմիտեից չեն մանրամասնել, թե ինչ քրեական վարույթների մասին է խոսքը։
Իսկ ահա Էկոնոմիկայի փոխնախարար Անի Իսպիրյանի ձերբակալության փաստը ՔԿ մամուլի խոսնակը չի մեկնաբանել։
