Տիեզերագնաց Կոնոնենկոն համաշխարհային ռեկորդ է սահմանել

Միջազգային տիեզերակայանում (ՄՏԿ) աշխատող «Ռոսկոսմոս»-ի տիեզերագնաց Օլեգ Կոնոնենկոն տիեզերական թռիչքների ընդհանուր տևողության համաշխարհային ռեկորդ է սահմանել:

Interfax-ը հաղորդել է, որ Մոսկվայի ժամանակով ժամը 11:30:08-ին Կոնոնենկոն գերազանցել է հայրենակից Գենադի Պադալկայի նվաճումը, որը հինգ տիեզերական թռիչքների ընթացքում հավաքել է 878 օր 11 ժամ 29 րոպե 48 վայրկյան:

Կոնոնենկոն «Ռոսկոսմոս»-ի տիեզերագնացների ջոկատի հրամանատարն է, իրականացնում է իր հինգերորդ տիեզերական թռիչքը: Ընթացիկ արշավի ավարտից հետո (ըստ պլանի՝ 2024 թվականի սեպտեմբերի 23-ին) Կոնոնենկոյի տիեզերքում լինելու ընդհանուր ժամանակը կկազմի 1110 օր։

Կոնոնենկոն առաջին տիեզերական թռիչքը կատարել է 2008 թվականի ապրիլի 8-ին՝ ՄՏԿ-ի 17-րդ հիմնական արշավախմբի կազմում, Երկիր է վերադարձել 2008 թվականի հոկտեմբերի 24-ին։