Ֆերմերները փակել են Հունաստանի մայրուղիներից մեկը

Վկայակոչելով ERT հանրային հեռուստատեսությունը՝ «Արմենպրես-ը հաղորդել է՝ որ Հունաստանում ֆերմերները տրակտորներով փակել են Սալոնիկ-Մուդանիա մայրուղին: նախօրեին նրանք ցույցեր էին կազմակերպել Սալոնիկում գտնվող TIF միջազգային ցուցահանդեսային կենտրոնի «Agrotika» ցուցահանդեսում:

Երկրի հյուսիսային շրջանից ֆերմերներն մայրուղի են հասել 350 տրակտորով, իսկ հարյուրավոր ֆերմերներ՝ ավտոբուսներով:

Ակցիայի շրջանակներում արտադրողները շագանակի և խնձորների արկղեր են նետել ճանապարհին:

Հունաստանի վարչապետ Կիրիակոս Միցոտակիսը հայտարարել է հինգ նախաձեռնության մասին, այդ թվում՝ ֆերմերների համար էլեկտրաէներգիայի արժեքի նվազեցման։

Այսպիսով, պետական ​​PPC ընկերությունը մայիսից սեպտեմբեր ամիսներին նրանց կառաջարկի լրացուցիչ 10 տոկոս զեղչ։ Ֆերմերներին նաև ապառիկ կտրամադրվի պետական այդ ընկերությանը 87 մլն եվրոյի չափով պարտքերի վճարման համար, իսկ պարտքի մի մասը դուրս կգրվի։