ՀՀ կառավարությունը նախատեսում է 2024 թվականին առողջապահության ոլորտին հատկացնել շուրջ 170 միլիարդ դրամ` մոտ 17 %-ով ավելի 2023 թվականի համար կառավարության ճշտված ծրագրով նախատեսված ցուցանիշից և 15 %-ով ավելի 2020 թվականի ցուցանիշից, տեղեկացրել են ՀՀ ֆինանսների նախարարությունից։
Առողջապահության ոլորտի ծախսերի աճը գլխավորապես պայմանավորված է Հայաստանում առողջության համապարփակ ապահովագրության համակարգի ներդրման գործընթացի ծախսերով (18 միլիարդ դրամ)։
2024 թվականին առողջապահության ոլորտին կհատկացվի պետական բյուջեի ծախսերի 5.3 %-ը` 2020 թվականի 7.8 %-ի փոխարեն։