ՀՀ քաղաքաշինության, տեխնիկական և հրդեհային անվտանգության տեսչական մարմնի կողմից «Վաղարշ և որդիներ կոնցեռն» ՍՊԸ դիմումի հիման վրա իրականացված ուսումնասիրություններից հետո ՔՏՀԱ տեսչական մարմնի ղեկավարն ընկերության գործունեությունը թույլատրելու որոշում է կայացրել, տեղեկացրել է ՔՏՀԱ տեսչական մարմինը:
Հիշեցնենք, որ Երևանի Խորենացու 24 հասցեում գտնվող «Ոսկու աշխարհ» առևտրի կենտրոնը փետրվարի 1-ից փակ էր, քանի որ հայտնաբերվել էին հրդեհային անվտանգության պահանջներին առնչվող խախտումներ: Քաղաքաշինության, տեխնիկական և հրդեհային անվտանգության տեսչական մարմնից հայտնել էին, որ կասեցման որոշումը կայացվել է հունվարի 23-ին: