Փետրվարի 12-ին արտակարգ դեպք է տեղի ունեցել Երևանում: Ժամը 16։20-ի սահմաններում Մյասնիկյան պողոտայի 55/5 հասցեի դիմաց Երևանի քաղաքապետարանի հաշվեկշռում հաշվառված թիվ 20 երթուղին սպասարկող ավտոբուսում ծուխ է նկատվել:
Պարեկները կարողացել են արագ մարել ավտոբուսի շարժիչի հատվածում առաջացած կրակը:
Շտապօգնության բժիշկների հերթապահ խումբը տեղում 2 քաղաքացու առաջին բուժօգնություն է ցուցաբերել, նրանցից մեկը տեղափոխվել է Հերացու անվան թիվ 1 համալսարանական հիվանդանոց:
