Ադրբեջանի նախագահ Իլհամ Ալիևը Ռուսաստանի վարչապետ Միխայիլ Միշուստինի հետ հանդիպման ժամանակ ասել է, որ երկրների միջև համագործակցության ամրապնդման շրջանակներում բոլոր խնդիրները հաջողությամբ լուծվում են, և որ կարելի է հույս դնել երկկողմ առևտրի ծավալների ավելացման վրա։
Նա նշել է, որ երկրների միջև ապրանքաշրջանառության աճը 2023 թվականին կազմել է 17% և մոտեցել է 4,5 մլրդ դոլարի։
«Բնականաբար, սա առավելագույնը չէ, վստահ եմ, որ այցի ընթացքում ձեռք բերված պայմանավորվածությունների շրջանակում հաջորդ տարի և այս տարեվերջին մենք ականատես կլինենք փոխադարձ առևտրի էլ ավելի մեծ աճի»,- ասել է Ալիևը։
