Ինդոնեզիայի և Ֆիլիպինների ափերի մոտ 6,0 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։
Ստորգետնյա ցնցումների էպիկենտրոնը գտնվել է Ֆիլիպինների՝ մոտ 105 հազար բնակչություն ունեցող Մատի քաղաքից 146 կմ հարավ-արևելք, որը գտնվում է Մինդանաո կղզում։
Օջախը գտնվում էր 125 կմ խորության վրա։
Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։
