ՏԿԵ փոխնախարար Հակոբ Վարդանյանն ԱԺ-ում անդրադարձել է ԵԱՏՄ-ում էլեկտրաէներգիայի ընդհանուր շուկայի գործարկման հեռանկարներին։
«Ես այնքան էլ լավատես չեմ, որ ընդհանուր էլեկտրաէներգետիկ շուկայի գործարկումից հետո մենք ամբողջությամբ կարող ենք ինտեգրվել այդ շուկայում միայն այն պատճառով, որ ընդհանուր սահման չունենք այդ շուկայի հետ։
Պատկերացրեք՝ ՀՀ-ում գործող էլեկտրաէնեգետիկայի մատակարարը կամ սպառողը գտնում է բորսայում լավ գնով էլեկտրաէներգիա կամ վաճառքի հնարավորություն, բայց ինքը արանքում դեռ ունի մեկ երկիր, որտեղ պետք է ռեժիմային կարգավորում։ Այսինքն, օնլայն գործարք չես կարող կնքել՝ առանց Վրաստանի հետ համաձայնեցման, իսկ Վրաստանում միշտ չէ, որ ռեժիմները կարող են թույլ տալ։ Այս առումով բավական բարդ է լինելու մեր ինտեգրումը շուկային»,- ասել է փոխնախարարը։
