ՀՀ վարչապետ Նիկոլ Փաշինյանն անդրադարձել է սահմանադրական փոփոխությունների հայեցակարգին։
Նա ասել է, թե հայեցակարգը պատրաստ է, ինքը ծանոթացել է դրան.
«Այդ հայեցակարգին ծանոթանալու արդյունքում է, որ ես հանգել եմ եզրակացության՝ Հայաստանին անհրաժեշտ է նոր սահմանադրություն»։
Ըստ նրա, եղած հայեցակարգն այլևս արդի չէ.
«Ի՞նչ հայեցակարգ կա նոր սահմանադրության վերաբերյալ։ Նոր սահմանադրության վերաբերյալ չկա հայեցակարգ, չկա տեքստ, նոր սահմանադրության վերաբերյալ կա քաղաքական խոսույթ և քաղաքական օրակարգ»,- ասել է նա։
Իսկ թե ե՞րբ կլինի հանրաքվե, վարչապետն ասել է.
«Երբ ես, մեր քաղաքական թիմը՝ բոլորով, զգանք, ժողովուրդը բավարար չափով պատրաստ է»։
