Թուրքիայի ԱԳ նախարար Հաքան Ֆիդանը, ելույթ ունենալով Բաքվում անցկացվող եռակողմ Ադրբեջան-Վրաստան-Թուրքիա ԱԳ նախարարների եռակողմ հանդիպմանը, անդրադարձել է, այսպես կոչված, «Զանգեզուրի ուղուն»։
«Այս տարիների ընթացքում Ադրբեջանը վերականգնել է իր տարածքային ամբողջականությունը։ Վրաստանը դարձել է Եվրամիության անդամի թեկնածու։ Հարավային Կովկասում խաղաղության վերականգնումը տարածաշրջանային և գլոբալ նշանակություն ունի։ Այս առումով մենք ակնկալում ենք Զանգեզուրի ուղու բացման համընդհանուր աջակցությունը», – նշել է Ֆիդանը։
