ՀՀ ԱԳ փոխնախարար Մնացական Սաֆարյանը, ի պատասխան ընդդիմադիր «Հայաստան» խմբակցության պատգամավոր Արմեն Ռուստամյանի հարցի, թե ինչ իրավունքներ ունի Հայաստանը ԵՄ համաձայնագրում, պատասխանել է. «Համաձայնագրի կնքումը բխել է նրանից, որ ԵՄ առաքելության գործողությունները և ընդհանրապես Հայաստանում գտնվելը համարվել են Հայաստանի անվտանգության տեսանկյունից նպատակահարմար, իսկ իրավունքների տեսանկյունից՝ համաձայնագիրը դրույթ ունի, որ ցանկացած պահի Հայաստանը կարող է դադարեցնել այս համաձայնագրի գործողությունը»։
ԱԳ փոխնախարարի խոսքով՝ այդ առումով ինքնիշխանության հետ կապված որևէ հարց չկա։ Ինչ վերաբերում է առաքելության կարգավիճակին, Սաֆարյանը նշել է, որ համաձայնագրում ներառվել են նաև այն կետերը, որոնք բխում են Հայաստանի շահերից։
