ԱԺ «Հայաստան» խմբակցության պատգամավոր Գառնիկ Դանիելյանն ԱԺ-կառավարություն հարցուպատասխանի ժամանակ անդրադարձել է վարչապետի՝ «Կիրանցից մինչև Բաղանիս միջպետական ճանապարհի վրա ոչ մի խանութ, սրճարան, հյուրատուն չկա» հայտարարությանը։
Նիկոլ Փաշինյանն էլ հարցին պատասխանելիս նշել է. «Եթե Շուշին, Ձեր տրամաբանությամբ ու Ձեր տեսակետից, դժգույն քաղաք չլիներ, ձեր քաղաքական ուժի գլուխը և նրանից կախված մյուս օրգանները «Գոլդեն Փելիս» հյուրանոցը «Մոնումենտում» չէին կառուցի։ Բա տանեիք՝ այնտեղ կառուցեիք։ Հունաստանում կղզի չառնեիք, գնայիք, մի հյուրանոց էլ կառուցեիք Ոսկեպարում, երկու հատ էլ Կիրանցում կառուցեիք։ Էդ ճանապարհների երկայնքով սարքեիք ձեր ավտոսալոնները։ Այսինքն, ինչի՞ մասին եք, եկել, խոսում»։
Նա վստահեցրել է՝ ինչը ՀՀ ինքնիշխան տարածքում է, ՀՀ ինքնիշխան տարածքում է. «Ես պատմական Հայաստանի վարչապետը չեմ, ես այսօրվա Հայաստանի վարչապետն եմ։ Ձեր քաղաքական ուժն ունի բավական ֆինանսական ներուժ․ գնացեք, հյուրանոց կառուցեք Ոսկեպարում»,- ասել է նա։
