2024-03-21
Կոսովոյի դեմ վաղը դժվար խաղ է սպասվում. Ալեքսանդր Պետրակով
«Կոսովոյի դեմ վաղը դժվար խաղ եմ սպասում: Շատ անզիջում ֆուտբոլ ցուցադրող թիմ է: Ինձ շատ է դուր գալիս մրցակցի պաշտպանական գիծը, հրաշալի են գործում գլխով խաղի ժամանակ»,- լրագրողների հետ հանդիպման ժամանակ ասել է Հայաստանի ֆուտբոլի ազգային ընտրանու գլխավոր մարզիչ Ալեքսանդր Պետրակովը` հավելելով, որ խաղի մեկնարկից մի քանի րոպե անց ինքը կհասկանա մրցակցի խաղաոճը:
«Շատ կցանկանայի դրական արդյունքի հասնել այս խաղում. ահա մեր խնդիրը Կոսովոյի դեմ խաղում: Սակայն սա սպորտ է, դժվար է ասել, թե ինչ կլինի»,- ասել է նա:
Հայաստանի ֆուտբոլի ազգային թիմը մարտի 22-ին Երևանում կընդունի Կոսովոյի հավաքականին, իսկ մարտի 26-ին արտագնա մրցախաղ կունենա Չեխիայի հետ:
Նմանատիպ Նյութեր