ՌԴ նախկին փոխարտգործնախարար, ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինը անդրադարձել է հայ-ռուսական հարաբերություններին։
«Հաշվի առնելով Հայաստանը Մոսկվայից հնարավորինս հեռացնելու՝ Արեւմուտքի ակնհայտ ու հետևողական ջանքերը, ստիպված եմ էմոցիոնալ կերպով նկատել, որ Երեւանը, լայն իմաստով, ավելի հայամետ ոչ մեկին, քան Ռուսաստանն է, չի գտնի: Դրա պատճառները բազմաթիվ են՝ պատմությունից և արյունակցական կապերից մինչև տարածաշրջանային անվտանգության առաջնահերթություններ։ Ժամանակն է լրջորեն մտածել», -գրել է Կարասինը։