Ներկայացվել է ՀՀ կրթության տեսչական մարմնի ստուգման գործընթացում փորձարկվող նոր գործիքակազմը
ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ տեղի է ունեցել ՀՀ կրթության տեսչական մարմնի կառավարման խորհրդի նիստը:
Նիստի օրակարգում Կրթության տեսչական մարմնի 2023 թվականի տարեկան հաշվետվության քննարկումն էր և 2024 թ. Տեսչական մարմնի ստուգման գործընթացում փորձարկվող նոր գործիքակազմի ներկայացումը:
Նախարար Ժաննա Անդրեասյանը կարևորել է Կրթության տեսչական մարմնի կողմից նախաձեռնված գործիքակազմի և մեթոդաբանության լավարկման աշխատանքները՝ նշելով, որ դրանք պետք է ամբողջապես ընդգրկեն նախադպրոցական, դպրոցական և մասնագիտական կրթության ոլորտները, քանի որ ընթացող բարեփոխումները նույնպես ներառում են կրթության բոլոր ուղղությունները։
Տեսչական մարմնի ղեկավար Վաղարշակ Մատիկյանի խոսքով՝ իրավական համապատասխան կարգավորումների ուժի մեջ մտնելուց հետո Տեսչական մարմնի կողմից իրականացվող ստուգումներն առավել ամբողջական պատկեր կապահովեն ուսումնական հաստատությունների գործունեության որակի, մասնավորապես չափորոշիչների կատարման նկատմամբ վերահսկողության առումով։
Ստեղծվող գնահատման սյունակաշարերի՝ ռուբրիկների կիրառումը ուսումնական հաստատության ռիսկայնության որոշման գործընթացը կդարձնի առավել խորքային, իսկ ստուգման արդյունքների՝ ոլորտը կարգավորող օրենսդրությամբ սահմանված սկզբունքների հետ կապը հնարավորություն կտա որոշելու ուսումնական հաստատության գործունեության և ոլորտում պետական քաղաքականության համապատասխանության աստիճանը։
ԿԳՄՍ նախարար Ժաննա Անդրեասյանի դիտարկմամբ՝ ուսումնական հաստատություններում ստուգումների համապատասխան արդյունքները հիմք կհանդիսանան քաղաքականության մշակման համար։
Այս համատեքստում կարևորվել է նմանօրինակ հանդիպումների հաճակի կազմակերպման անհրաժեշտությունը՝ վերահսկողական և քաղաքականության մշակման աշխատանքներն առավել սինխրոնացնելու համար։
Recent Posts
Մոսկվան ու Երևանը բանակցություններ կսկսեն ՀՀ-ի երկաթուղիների երկու հատվածի վերականգնման շուրջ. Օվերչուկ
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ, որոնք կապված են Ադրբեջանի…
Օդի ջերմաստիճանը կբարձրանա 5-8 աստիճանով
Փետրվարի 13-ի գիշերը և առավոտյան հանրապետության առանձին ավտոճանապարհներին սպասվում է մերկասառույց։ Փետրվարի 13-15-ին գիշերը և…
Վրաստանը սահմանափակում է հին մեքենաների ներմուծումը
Վարչապետ Իրակլի Կոբախիձեն հայտարարել է վեց տարուց ավելի առաջ արտադրված մեքենաների ներմուծման արգելքի մասին: Համապատասխան…
Մխիթարյանը կլինի երիտասարդացող «Ինտերի» միակ բացառությունը
«Ինտերի» սեփականատերերը պատրաստ են թույլ տալ ակումբի ղեկավարությանը՝ նոր պայմանագիր առաջարկել Հենրիխ Մխիթարյանին։ Ըստ իտալական…
Ուրախ էինք Հայաստանում ողջունել ամերիկյան տեխնոլոգիական ընկերությունների ղեկավարներին. ՀՀ-ում ԱՄՆ դեսպանություն
ՀՀ-ում ԱՄՆ դեսպանությունից հայտնում են, որ ԱՄՆ փոխնախագահ Ջեյ Դի Վենսի Հայաստան կատարած պատմական այցին…
Սիրելինե՛րս, դուք սկսել եք «Մահ կամ ազատություն»-ից, ավարտել 004 շրջաբերականով. Ռուբինյանը՝ ՀՅԴ-ին
Քննարկում ենք ըստ երևույթին երկու փոխկապակցված հարց, որոնք տարօրինակ կերպով փոխկապակցվել են այսօր՝ Հեռուստատեսության և…