«Կրոկուս սիթի հոլ» -ում տեղի ունեցած ահաբեկչության գործով չորս կասկածյալ կալանավորվել է երկու ամսով: Նրանց ներկայացվել է կազմակերպված ահաբեկչության մեղադրանք:
Մոսկվայի Բասմանյան շրջանի դատարանը հայտարարել է, որ չորսն էլ աբողջությամբ ընդունել են իրենց մեղքը, գրում է BBC-ն։
Ըստ քննիչների՝ չորսն էլ Տաջիկստանի քաղաքացի են և «Կրոկուս սիթի հոլի» վրա հարձակման անմիջական մասնակիցները:
Ահաբեկչությունից հետո նրանք լքել են համերգասրահը, սակայն նույն գիշերը ձերբակալվել Բրյանսկի մարզում։
Ահաբեկչության գործով ընդհանուր առմամբ բերման է ենթարկվել 11 մարդ։
Հարձակման հետևանքով զոհվածների թիվը հասել է 137-ի և կարող է ավելանալ, քանի որ այրված շենքում շարունակվում է որոնողական աշխատանքը, և նոր աճյունների հայտնաբերման հավանականությունը մեծ է:
