ԵԱՏՄ-ից դուրս գալու հարց Հայաստանը չի քննարկում, ԱԺ-ում լրագրողների հետ հանդիպմանն ասաց «Քաղաքացիական պայմանագիր» խմբակցության պատգամավոր Մարիա Կարապետյանը։

«Այդպիսի հարց այժմ դրված չէ»,- ասաց նա։

ՔՊ-ական պատգամավոր Բաբկեն Թունյանն էլ ասաց, որ ԵԱՏՄ-ից դուրս գալու հարցը պետք չէ հակադրել ԵՄ-ի շուկային ինտեգրվելու հարցին։

«Հայաստանը հաշվի է առնում բոլոր օգուտներն ու վնասները, որոնք կարող է ունենալ որևէ որոշման դեպքում։ Այս պահին մենք հանդիսանում ենք ԵԱՏՄ անդամ, կատարում ենք մեր պարտավորությունները, վճարում ենք ընդհանուր մաքսատուրքերն ու ստանում մեր բաժինը, ընդ որում, շատ ավելի քիչ, քան վճարում ենք», – նշեց Թունյանը։

Պատգամավորը նշեց, որ այս պահին կտրուկ գործողության մասին խոսք չկա։

«Եթե լինի՝ համապատասխան հայտարարություն կլինի»,- հավելեց նա։