ԱԺ «Հայաստան» և «Պատիվ ունեմ» խմբակցությունների պատգամավորները հանդես են եկել ԱԺ առաջիկա նիստում հրատապ քննարկում կազմակերպելու նախաձեռնությամբ։
Թեման սահմանազատման և սահմանագծման հարցերն են, Radar Armenia-ին տեղեկացրել է ընդդիմադիր «Հայաստան» խմբակցության պատգամավոր Ագնեսա Խամոյանը։
ԱԺ կանոնակարգի համաձայն՝ պատգամավորներն իրավունք ունեն հերթական նիստերի երեքշաբթի օրվա երրորդ հիմնական նիստում անցկացնել հասարակական հետաքրքրություն ներկայացնող հրատապ թեմայով մեկ քննարկում։ Խորհրդարանական ընդդիմությունն այդ հնարավորությունից է օգտվելու՝ ապրիլի 9-ին նախաձեռնելով քննարկումը։
