Արդեն տեղեկացրել ենք, որ ԿԽՄԿ ուղեկցությամբ ԼՂ-ից Հայաստան է տեղափոխվել 2 անձ` Սարգիս Գալստյանը և նրա կինը, որոնք 2023 թ. սեպտեմբերից հետո շարունակում էին բնակվել Ստեփանակերտում։
Radar Armenia-ի հետ զրույցում ԿԽՄԿ-ից հաստատել են տեղեկությունը, որ մարտի 29-ին «Կարմիր խաչի» միջազգային կոմիտեի ուղեկցությամբ Լեռնային Ղարաբաղից Հայաստան է տեղափոխվել երկու անձ։
Իսկ ահա Քննչական կոմիտեից Radar Armenia-ին հայտնել են, որ մարտի 30-ին նախաձեռնված քրեական վարույթի շրջանակներում անձին ներկայացվել է մեղադրանք լրտեսության համար, խափանման միջոց է ընտրվել կալանքը։
Խոսքը Լեռնային Ղարաբաղից Հայաստան տեղափոխված անձանցից մեկի մասին է` Սարգիս Գալստյանի։
