«Ոչ ՆԱՏՕ-ն, ոչ ԵՄ-ն Ռուսաստանի նկատմամբ ռազմավարություն չունեն»․- ասել է Չեխիայի արտգործնախարար Յան Լիպավսկին՝ ապրիլի 3-ին Բրյուսելում շփվելով DW-ի թղթակցի հետ: «Ռուսաստանի նկատմամբ մեր ռազմավարության մասին ընդհանուր բանավեճեր չեն ընթանում ոչ ՆԱՏՕ-ում, ոչ ԵՄ-ում։ Ես դա սխալ եմ համարում։ Կարծում եմ, մենք պետք է նման քննարկումներ անցկացնենք։ Նման բանավեճի ընթացքում պետք է քննարկել նաև, թե ինչպես պետք է ավարտվի պատերազմն Ուկրաինայում», – ասել է նա։
«Քանի որ մենք նման իրական ռազմավարություն չունենք, պետք է հավատարիմ մնանք մեր որդեգրած սկզբունքներին», – ընդգծել է նախարարը՝ թվարկելով Ուկրաինայի ինքնիշխանության և տարածքային ամբողջականության սկզբունքները նրա միջազգային սահմաններում, 1991 թվականի Բուդապեշտի հուշագիրը: Լիպավսկին առանձնացրել է այն սկզբունքը, ըստ որի՝ Ուկրաինայի պետությունն ու ժողովուրդը պետք է ձայնի իրավունք ունենան Ռուսաստանի հետ ապագա խաղաղության մասին որոշում կայացնելիս։
