«Ցանկանում ենք, որ Հայաստանը գտնի իր տեղը». Բլինքեն (տեսանյութ)

Բրյուսելում կայացել է ԵՄ հանձնաժողովի նախագահ Ուրսուլա ֆոն դեր Լայենի, ԱՄՆ պետքարտուղար Էնթոնի Բլինքենի, ԵՄ արտաքին հանձնաժողովի նախագահ Ժոզեպ Բորելի ու ՀՀ վարչապետ Նիկոլ Փաշինյանի ասուլիսը։ 

ԱՄՆ  պետքարտուղար Բլինքենն ասել է. «Պարոն վարչապետ, շնորհակալ եմ Ձեր առաջնորդության ու գործընկերության համար։ Դա լավ հիմք է ստեղծում մեր ներկա ու ապագա անելիքի համար։ Մենք այստեղ ենք՝ վերահաստատելու տրանսատլանտյան աջակցությունը Հայաստանի ու նրա ժողովրդի ժողովրդավար ու բարգավաճ ապագային և ավելի ինտեգրված ու խաղաղ հարավկովկասյան տարածաշրջան ունենալուն։ Համամիտ ենք հայ ժողովրդի ապագայի տեսլականին, ցանկանում ենք, որ Հայաստանը գտնի իր տեղը՝ որպես ամուր ու խաղաղասեր տարածաշրջանային երկիր։ ԱՄՆ-ն և ԵՄ-ն ցանկանում են լինել այս ջանքերի գործընկերը, և այսօրվա օրը դրա ապացույցն է։ Մենք նախատեսում ենք 65 մլն եվրո տրամադրել մեր բյուջեից՝ աջակցելու Հայաստանի ռեֆորմներին և տնտեսական ու ժողովրդավարական դիմադրողականության բարձրացմանը։ Կշարունակենք աջակցել Լեռնային Ղարաբաղից տեղահանված 100 հազար հայերին»։