Ապրիլի 8-9-ը Ռուսաստանի արտաքին գործերի նախարար Սերգեյ Լավրովը պաշտոնական այցով կմեկնի Չինաստան։
ՌԴ ԱԳՆ-ից հայտնել են, որ այցի շրջանակներում նախատեսվում են բանակցություններ Չինաստանի արտգործնախարարի հետ։ Արտաքին գործերի գերատեսչությունների ղեկավարները կքննարկեն երկկողմ համագործակցության, ինչպես նաև միջազգային ասպարեզում փոխգործակցության հարցերի լայն շրջանակ՝ շեշտը դնելով ՄԱԿ-ի, BRICS-ի, SCO-ի, G20-ի, APEC-ի և մեխանիզմների ու ֆորումների համատեղ աշխատանքի վրա:
Ըստ հաղորդագրության՝ նախատեսվում է մտքերի հանգամանալից փոխանակում մի շարք «թեժ թեմաների» և տարածաշրջանային սյուժեների շուրջ, այդ թվում՝ ուկրաինական ճգնաժամը։
Ուկրաինա ներխուժելուց հետո Ռուսաստանը շեշտում է, թե չափազանց կարևորում է հարաբերությունները ասիական երկրների և հատկապես Չինաստանի հետ։ Պեկինը ուկրաինական պատերազմում որդեգրել է չեզոք դիրքորոշում։
