Ադրբեջանական կողմից ապրիլի 8-ի ժամը 22.50-ի սահմաններում հրաձգային զենքից արձակված անկանոն և ոչ նպատակային կրակի հետևանքով վնասվել են Սյունիքի մարզի Տեղ գյուղի տներից մեկի տանիքը և պատուհանը, հայտնել են Հայաստանի Հանրապետության ներքին գործերի նախարարությունից` ընդգծելով, որ կրակոցներից Տեղ գյուղի բնակիչները չեն տուժել։

ՆԳՆ ոստիկանությունը ձեռնարկում է օրենքով նախատեսված գործողություններ, ինչից հետո փաստաթղթերը կներկայացվեն Քննչական կոմիտե: