ՀՀ փոխվարչապետ Մհեր Գրիգորյանն ու ԱԳ նախարար Արարատ Միրզոյանը մասնակցում են սահմանազատման հարցով ընդդիմադիրների առաջարկած փակ նիստին։
Իշխող «Քաղաքացիական պայմանագիր» խմբակցությունը կողմ է քվեարկել փակ ռեժիմով նիստի անցկացմանը, իսկ ընդդիմությունը դեմ էր։ Քվեարկությունից հետո ԱԺ նախագահ Ալեն Սիմոնյանը հայտարարել է, որ կան պատգամավորներ, որոնք գաղտնի տեղեկություններին հասանելիություն չունեն և չեն կարող մասնակցել նիստին։
«Քաղաքացիական պայմանագիր» խմբակցությունից նիստին չէր կարող մասնակցել Դավիթ Կարապետյանը, իսկ ընդդիմությունից՝ Արմեն Գևորգյանը, Ասպրամ Կրպեյանը, Արման Ղազարյանը, Մհեր Մելքոնյանը, Արմեն Ռուստամյանը, Մհեր Սահակյանը, Արթուր Սարգսյանը, Լևոն Քոչարյանը և Սեյրան Օհանյանը։
