ԲՏԱ նախարար Մխիթար Հայրապետյանը տեղեկացրել է, որ իրականացվել են մի քանի զինատեսակի և կառավարման համակարգերի գծով փորձարկումներ, որոնք մոտ ապագայում կկիրառվեն ԶՈՒ-ում։
Նրա խոսքով` գրանցվել է ռազմաարդյունաբերությամբ զբաղվող մի քանի նոր ընկերություն։ «Մշակվել է ռազմարդյունաբերական համալիրի սուբյեկտների արտադրական հզորությունների զարգացման հիմնադրամի հայեցակարգը, որը հնարավորություն է տալու մեծ արդյունավետությամբ զարգացնել ռազմարդյունաբերության ոլորտը»,- ասել է նա։
Նախարարը նաև տեղեկացրել է, որ ռազմարդյունաբերողներն այս պահին 122 մլրդ դրամի պատվեր են ստացել ՊՆ-ից։ «Գործող 25 կազմակերպություն պատվեր ունի ՊՆ-ից։ Մենք ակնկալում ենք, որ տարվա ընթացքում կհասնի 29-ի։ Այս պահին ունենք կնքված 46 եռամյա պայմանագիր»,- ասել է Հայրապետյանը։
