Երկրաշարժ Ղրղզստանի և Տաջիկստանի սահմանին

Ղրղզստանի և Տաջիկստանի սահմանին մայիսի 1-ին 4 բալ ուժգնությամբ երկրաշարժ է տեղի ունեցել, «ՌԻԱ Նովոստի»-ի հաղորդմամբ` հայտնել է Ղրղզստանի սեյսմոլոգիայի ինստիտուտը:

Ինստիտուտի տվյալներով՝ 4 բալ ուժգնությամբ երկրաշարժեր են գրանցվել Ղրղզստանի Կարամիկ գյուղից 18 կմ հարավ-արևմուտք և Բատկեն քաղաքից 105 կմ հեռավորության վրա: Ղրղզստանի բնակավայրերում՝ էպիկենտրոնին ամենամոտ գյուղերում երկրակեղևի տատանումների ինտենսիվությունը կազմել է 2,5 բալ։

Եվս մեկ երկրաշարժ, ըստ նույն աղբյուրի, տեղի է ունեցել Ղրղզստանում: Ուժգնությունը կազմել է 3,8 մագնիտուդ։ Ստորգետնյա ցնցումների աղբյուրը գտնվել է Բոր Դեբե գյուղից 9 կիլոմետր հարավ-արևելք։ Բնակավայրում ցնցումների ուժգնությունը կազմել է մոտավորապես 3 բալ։ 

Ղրղզստանի արտակարգ իրավիճակների նախարարության տվյալներով՝ հանրապետությունում երկրակեղևի տատանումների հետևանքով զոհեր և ավերածություններ չկան։