Սոցցանցերի ազատական համոզմունքների տեր ամերիկացի օգտատերերը սկսել են դավադրության տեսություններ տարածել ԱՄՆ նախկին նախագահ Դոնալդ Թրամփի դեմ մահափորձից հետո։ Այս մասին հայտնում է The Washington Post-ը։
Համացանցի որոշ օգտատերեր բեմադրություն են անվանել այն կադրերը, որոնցում Թրամփն է՝ դեմքն արյունոտ, բռունցքը բարձրացրած ամերիկյան դրոշի տակ։ Որոշ մեկնաբանների կասկածելի են թվում նախկին նախագահին հսկող ԱՄՆ գաղտնի ծառայության գործողությունները, որոնք թույլ տվեցին նրան կրակոցներից հետո մնալ բեմում, իսկ հետո հանդուգն կանգնել ամբոխի առջև։
