Իլոն Մասկի Neuralink ընկերությունը հաջողությամբ ներդրել է համակարգչային հաղորդակցման սարք երկրորդ կամավորի ուղեղում, որը նախատեսված է անդամալույծ մարդկանց թույլ տալու թվային սարքեր օգտագործել իրենց մտքով:

Խոսքը ողնուղեղի վնասվածքով հիվանդի մասին է, կիրակի օրը՝ օգոստոսի 4-ին, հայտնել է Reuters-ը՝ վկայակոչելով Մասկի հայտարարությունը։

Ըստ այդ տվյալների՝ ներդրված նեյրոչիպում աշխատում է 400 էլեկտրոդ։ Neuralink կայքը հայտնում է, որ չիպն օգտագործում է 1024 էլեկտրոդ։

Իմպլանտացված սարքը ընդունիչ պարկուճ է, որը լսողական սարքի նման ամրացված է ականջի հետևում։ Թելանման էլեկտրոդները պարկուճից անցնում են ուղեղ:

Ընդհանուր առմամբ, ուղեղում տեղադրվում է մինչև 1500 էլեկտրոդ, որոնցից յուրաքանչյուրը չորս անգամ ավելի բարակ է, քան մարդու մազը: 4×4 մմ մեկ պրոցեսորը մշակում է 10 հազար էլեկտրոդներից ստացված տեղեկատվություն։